Египетските обвинители распитуваат 250 поддржувачи на соборениот претседател Мухамед Морси под обвиненија за убиство и тероризам, соопштија државните медиуми.
Тие се уапсени во петокот на централниот каирски плоштад „Рамзес“ и во реонот на блиската полициска станица, која се обиделе да ја запалат.
Тие од обвинителите се товарат и за палења на згради во реонот.
Истрагата следи откако вчера силите за безбедност ја евакуираа џамијата Фат на плоштадот „Рамзес“, каде од петокот се криеја приврзениците на Морси по судиритеи меѓу полицијата и противниците на „Муслиманско братство“.
Седум од евакуираните лица се уапсени, меѓу кои има Турчин, Суданец и двајца Арапи, изјави за ДПА претставник на силите за безбедност. Приведен е и високо позиционираниот член на „Муслиманско братство“, Саад Емара.
Друг извор од силите за безбедност за ДПА изјави дека во источно Каиро се уапсени тврдокорсниот духовник и цврст поддржувач на Морси, Сафат Хегази, и шестмина членови на движењето „Муслиманско братство“.
Министерството за внатрешни работи на Египет, меѓутоа, ниту ги потврди, ниту ги демантира апсењата.
Според изворот на ДПА, против Хегази има обвиненија за поттикнување на убиство и насилство.