Американската полиција запленила околу 20 милиони долари во кеш пронајдени под душек во стан во Масачусетс.
Се верува дека парите биле поврзани со пирамидална шема вредна една милијарда долари вклучувајќи ја ТелексФри, компанија која што се претставувала дека нуди интернет телефонија.
Според службите оваа компанија оштетила повеќе од милион луѓе во светот, а кешот бил откриен откако истражителите го следеле бразилецот Клебер Рене Ризерио Роча.
Сликата од парите беше објавена на Твитер профилот на Државниот обвинител на Масачусетс.