Во напад со автомобил-бомба, чија цел биле двајца лидери на бунтовниците Хути синоќа во Сана загинаа најмалку 28 лица, кои се собрале на помен на жртва на сличен напад, извршен претходно овој месец, соопштија јеменските власти.
Цел на бомбашите биле лидерите на бунтовниците, браќата Фајсал и Хамид Џајачи, кои биле на помен поради смртта на член на семејството, изјави претставник на силите за безбедност.
Групацијата Исламска држава ја презеде одговорноста за нападот и наведе дека тој е извршен врз „шиитско гнездо како одмазда за муслиманите, кои се борат против отпадниците Хути“.