Четириесет и двегодишниот Реналд Лузијер е карикатуристот во сатиричниот неделник „Шарли Ебдо“, кој го преживеа масакрот благодарение на тоа што задоцнил на работа на кобниот ден.
Објаснувајќи ги своите причини поради кои тој го нацртал пророкот Мухамед за насловната страна од најновиот број на контроверзниот број, Лузијер започна да плаче.
-Ние сме карикатуристи и цртаме мали знаци и ликови, како кога бевме деца. И терористите биле деца и тие цртале како и ние, токму како што сите деца го прават тоа. Во еден момент тие ја изгубиле смислата за хумор. Ја изгубиле душата на детето во себе -вели тој низ солзи и додава дека му е жал што повторно го нацртале пророкот Мухамед, но дека тоа на сликата е само „момче кое плаче“.
Инаку денес ќе излезат дури 3 милиони примероци од најновиот број на францускиот сатиричен неделник „Шарли Ебдо“, поради чија што карикатура минатата недела радикални исламисти убија 12 лица.
Е. Г.