Втората телевизиската дебата меѓу двајцата кандидати за наследник на Борис Џонсон на функцијата британски премиер беше ненадејно прекината синоќа, откако водителката се онесвести.
Министрката за надворешни работи Лиз Трас, фаворит да стане нов лидер на Конзервативната партија, и поранешниот министер за финансии Риши Сунак ги претставуваа своите програми кога се слушна силен тресок во студиото.
Дебатата, која во живо ја пренесуваа и весникот „Сан“, нагло беше прекината.
Телевизијата објави дека водителката Кејт Мекен се онесвестила.
„Иако се е во ред со неа, докторот не советуваше да не продолжиме со дебатата. Им се извинуваме на гледачите и слушателите“, објави на Твитер телевизијата.
Kate McCann fainted on air tonight and although she is fine, the medical advice was that we shouldn't continue with the debate. We apologise to our viewers and listeners.
— TalkTV (@TalkTV) July 26, 2022
Победникот на изборите, на кои ќе учествуваат нешто помалку од 200.000 членови на Конзервативната партија, ќе биде познат на 5 октомври.