Дронови нападнале фабрика за беспилотни летала во градот Дубна, во регионот на Москва, објавија руските телеграмски канали Астра и База, цитирајќи локални жители. Нападот го потврдија градоначалникот на Москва Сергеј Собјанин и руското Министерство за одбрана.
На социјалните мрежи беа објавени видеа на кои се гледаат дронови над Дубна, како и експлозија и пожар по ударот. Се слушаат и жители како коментираат на снимките: „Повторно го погоди Кронштат“.
Според информациите на официјалната веб-страница на компанијата Кронштат, таа развива „беспилотни летала и воздухопловна опрема“.
Дрон над Москвою. Відео з Telegram-каналу Baza pic.twitter.com/RRy0EP8hlK
— Українська правда ✌️ (@ukrpravda_news) May 28, 2025
Градоначалникот Собјанин од утрото објави дури 17 пораки за нападот со дрон. Според него, руската воздушна одбрана соборила најмалку 31 беспилотно летало кои летале кон Москва.
Според неговите изјави, нема „сериозни штети или жртви“ во Москва и Зеленоград, а итните служби работат на терен за да го санираат местото каде паднале урнатините.
По нападот избувнал пожар во Зеленоград, објави Телеграмскиот канал База.
Дубна, познат како „град на науката“, се наоѓа на 121 километар северно од Москва.