Украинските сили сили уништија руски противвоздушен ракетен систем Бук-М3 со среден дострел во прецизен удар, соопшти 15-та извидувачка артилериска бригада „Шварцвалд“. Според нив, извидниците од бригадата ја откриле локацијата на рускиот систем и насочиле оган кон целта, а целата операција била снимена и објавена на видео. Не е објавено кога и каде точно се случил нападот.
Бук-М3 се смета за клучна компонента на воздушната одбрана на Русија, а неговата вредност се проценува на околу 45 милиони американски долари.
Бук-М3 е најсовремената верзија на советскиот ракетен систем Бук, развиен за уништување на непријателски авиони, крстосувачки ракети и беспилотни летала на средни растојанија. Беше воведен во оперативна употреба во 2016 година и се карактеризира со подобрена точност, поголем дострел (до 70 километри) и можност за истовремено ангажирање на повеќе цели.
Уништувањето на овој систем претставува значаен удар врз одбраната на Русија на фронтовската линија, со оглед на тоа што Бук-М3 е дизајниран да ги заштити клучните позиции и логистичките рути од воздушни закани.