Британски тенкови „челинџер“ пристигнаа во Украина соопшти украинскиот министер за одбрана Олексеј Резников.
Резников кажа дека во украинските единици веќе се распоредени британски „челинџер“, американските „страјкер“ и „пума“ и германските „мардери“.
За да може да управуваат со британските тенкови, украинските војници имаа обука во Обединетото Кралство. Нивната обука почна веднаш по објавувањето на испораката на овие тенкови од страна на Обединетото Кралство на почетокот на јануари.
#British Challenger 2 tanks have already arrived in #Ukraine. pic.twitter.com/Oycv3tIplL
— NEXTA (@nexta_tv) March 28, 2023
Германија вчера соопшти дека и таа ја испратила првата пратка од тенковите „леопард 2“ за Украина. Станува збор за пратка од 18 борбени тенка за кои украинскиот воен персонал изминатиот период, исто така, беше обучуван. Министерот за одбрана на Германија, Борис Писториус, рече дека е сигурен оти тенковите може да дадат одлучувачки придонес на првите борбени линии.