Претседателот на Соединетите Американски Држави, Доналд Трамп, ја исмеа венецуелската армија во објава на неговата мрежа Truth Social.
Трамп објави видео на кое се гледа како дебела жена несмасно трча со пушка за време на вежба на венецуелската армија.
„Строго доверливо. Ја фативме венецуелската полиција на обука. Многу сериозна закана“, напиша американскиот претседател саркастично.
Trump mocked the “Venezuelan militias”
The US President posted a video showing a woman awkwardly running with a Kalashnikov rifle, captioning it: “TOP SECRET: We caught the Venezuelan militias training. A very serious threat!”
The clip has been circulating online since… pic.twitter.com/kFxQU51CEO
— NEXTA (@nexta_tv) September 22, 2025
Во меѓувреме, венецуелскиот претседател Николас Мадуро минатата недела изјави дека војската започнала со обука на цивили за употреба на оружје во случај на напад од САД. Тој ги повика венецуелските земјоделци да бидат подготвени и, доколку е потребно, масовно да се вооружат.
„Народот на Венецуела ѝ кажува на империјата: Престанете со заканите“, им рече Мадуро на земјоделците на митингот.
Инаку, тензијата меѓу Венецуела и Соединетите Американски Држави се интензивираше во текот на претходните недели поради одлуката на Трамп да изврши напади врз венецуелски бродови под изговор дека станува збор за напад врз трговци со дрога.