Семејства во Маракеш збиени едни во други ја поминаа втората ноќ на улиците бидејќи најсмртоносниот земјотрес во Мароко во повеќе од половина век остави многумина да се плашат дека не е безбедно да се вратат во своите домови. Неизвесноста зафати многумина во Маракеш, 70 километри североисточно од епицентарот, бидејќи се загрижени дека земјотресот со јачина од 6,8 во кој загинаа повеќе од 2.000, можеби ги оштетил нивните домови или дека последователен потрес може да ги уништи во наредните часови или денови.
The entire family of the boy perished in the Morocco earthquake. Only he and his grandfather survived. 💔
Gunna Jon Jones The UFC Deadpool 3 Israel Adesanya Nicki Khamzat Izzy Baki Usman
pic.twitter.com/Us3XkLIM5h— Elon Zuckerberg (@ElonZuckerbergX) September 10, 2023
Од петочниот земјотрес, најлошиот во северноафриканската земја од 1960 година, Мухамад Ајат Елхаџ (51), спие на улица со своето семејство во близина на историскиот центар, откако откри знаци на оштетување на неговиот дом, вклучително и пукнатини на ѕидовите.
„Не можам да спијам таму. Ги молам властите да ми помогнат и да донесат експерт кој ќе процени дали можам да се вратам во куќата или не. Доколку постои ризик, нема да се вратам во куќата“, изјави тој за Ројтерс.
Во многу делови на Мароко, луѓето беа на отворено во саботата вечерта по земјотресот што ја погоди земјата. До недела бројот на загинати се искачи на 2.012, а 2.059 се повредени, информираат од МВР.
Во земјотресот беа оштетени делови од историскиот центар на Маракеш, популарна туристичка атракција за Мароканците и странците. Во саботата, Мароканци и странци шетаа низ античкиот град, ја фотографираа штетата и јадеа во популарни ресторани, додека други се собраа да спијат на главниот плоштад.
Нуредин Лахбаби, 68-годишен пензионер со четири деца, во саботата навечер, додека се подготвувал да спие надвор втора ноќ, рече дека штетата на домовите на луѓето била стресна. “Тоа е болно искуство. Кога тоа ќе се случи со вашиот брат или сестра, тоа е навистина болно”, рече тој.
Мохамед Ајтади, Мароканско-Американец, ја испитал штетата на џамијата во центарот на градот во саботата во близина на местото каде што живее неговата мајка. Тој рече дека бил на главниот плоштад кога се тресело. „Многу сум уверен дека нашиот народ, нашиот марокански народ и нашата мароканска заедница можат да се здружат и да го поминат ова безбедно и мирно“, рече тој.
Далеку од историскиот центар, семејствата спиеле на отворени простори и покрај патишта. Единаесетгодишната Џовра, зборувајќи покрај нејзиниот татко, рече дека се чувствува непријатно да спие покрај странци. И во планините на Високиот Атлас, мароканските преживеани од земјотресот останаа на отворено во неделата навечер, откако најсмртоносниот земјотрес во земјата во повеќе од шест децении опустоши села.
Соседите сè уште трагаат по преживеани закопани на ридовите, каде што беа уништени куќи направени од кал, камен и грубо дрво, а минарињата на џамиите беа урнати во земјотресот што се случи доцна во петокот.
Во селото Амизмиз во близина на епицентарот, спасувачите со голи раце отстрануваа урнатини. Срушените ѕидови ги блокираа тесните улички. Пред болницата лежеа десетина тела покриени со ќебиња додека ожалостените роднини стоеја во близина.
„Кога почувствував како земјата се тресе под моите нозе и кога куќата се навали, побрзав да ги извлечам моите деца. Но, моите соседи не можеа“, изјави Мохамед Азав.
За жал, во тоа семејство никој не беше пронајден жив. Таткото и синот се пронајдени мртви, а се уште се трага по мајката и ќерката. Спасувачите застанаа на урнатините на зградата во Амизмиз, од која ѕиркаа делови од теписи и мебел. Се формираше долга редица пред единствениот отворен дуќан.
Монтасир Итри, жител на Асни, рече дека потрагата по преживеани е во тек. „Нашите соседи се под урнатините и луѓето напорно работат да ги спасат користејќи ги сите расположливи средства во селото“, рече тој.
She lost her husband and all of her kids during the earthquake in Morocco 🇲🇦 May Allah give her patience 💔😭#moroccoearthquake | #Morroco | #earthquake | #earthquakemorocco | #زلزال_المغرب | #المغرب | #زلزال_مراكش pic.twitter.com/YEvR4B6FHr
— Rah E Miracle (@RahEMiracle) September 10, 2023
Градот Тансгарт, во делот на долината каде што патот од Маракеш се искачува во Високиот атлас, беше најтешко погоден од сите места што ги посети Ројтерс. Неговите некогаш прекрасни куќи, припиени до стрмната падина, испукани од тресењето на земјата. На оние што уште стоеја недостасуваа парчиња ѕидови или малтер. Паднаа две минариња на џамијата.
Абделатиф Аит Бела, работник, лежеше на земја, едвај можеше да се движи или да зборува, а главата му беше преврзана од раните предизвикани од остатоците од паѓање.
„Немаме куќа во која да го носиме и немаме храна од вчера“, вели неговата сопруга Саида, плашејќи се за иднината на нивното шестчлено семејство со толку тешко повреден единствен хранител. „Не можеме да се потпреме на никого освен на Бога“.
Селото веќе тагува за десет мртви, меѓу кои и две тинејџерки, рече еден жител.
„Сите куќи беа урнати. Изгубив двајца членови на семејството. Телата се уште се под урнатините“, изјави за Телеграф, туристичкиот водич Рашид Оуали (30), кој живее во градот Асни, јужно од Маракеш. „Моите четири деца и мојот сопруг починаа. Изгубив се што имав на овој свет“, изјави Мина Рафик (40) кој живее во село во близина на епицентарот.
Мулај Брахиму Лахен (40) изјави дека ги загубил сопругата и четирите деца. Телата на неговите три ќерки се извлечени од урнатините на нивниот поранешен дом, но спасувачите се уште не успеале да ги извлечат неговата сопруга и синот. „Изгубив сè. Само сакам да избегам од светот и да тагувам“, рече тој.