Последните информации велат дека бројот на загинати во земјотресот во Мароко се искачи на 2.122 лица, соопштија вчера вооружените сили на земјата. Повредени се најмалку 2.421 лице. Имаше предупредувања дека бројот на загинати може да продолжи да расте бидејќи спасувачите стигнаа до оддалечените рурални области.
Постои фрустрација кај граѓаните што помошта не стигнува до градовите и селата во руралните планински области јужно од Маракеш. Асни е на само 50 километри од Маракеш, а луѓето велат дека итно им е потребна помош.
„Немаме храна, немаме леб, зеленчук. Немаме ништо. Никој не дојде кај нас, немаме ништо. Имаме само Бог и кралот“, рече еден човек од толпата кој не сакаше да го каже своето име. Од земјотресот таа со четирите деца живее до главниот селски пат. Неговата куќа се уште стои, но сите ѕидови се тешко испукани и премногу се плашат да останат таму, јавува Би-Би-Си.
Успеале да се вратат и да донесат ќебиња на кои сега можат да спијат. Додека камионот минуваше покрај толпата, некои луѓе се обидоа да го спречат, очајно надевајќи се дека носи залихи.
Некои велат дека добиле шатори од владата, но никаде ги нема доволно за сите луѓе на кои им е потребна.
„Немам средства да ја обновам куќата. Во моментов ни помагаат само локални жители“, се пожали Мбарка, една од многуте жени кои живеат во шаторот.
Пред земјотресот живеела во куќа со две ќерки, зет и три внуци.