Безбедносните камери на автомобилите во Швајцарија минатата ноќ снимиле спектакуларно движење на метеорит.
Според наводите на медиумите, очевидците покрај визуелен забележале и звучен настан, осносно слушнале две експлозии, пропратени со силна светлина. „Огнената топка“ била забележана и во Австрија и јужните делови на Германија.
-Звучеше како експлозија. Ќерка ми беше на балконот кога тоа се случи, дури и почувствувала благ притисок- вели еден сведок.
Полициските управи во Цирих и Берн соопштија дека добиле неколку повици од граѓаните кои ја забележале светлината на небото.
Инаку иако меторитите претежно поминуваат покрај Земјата и го продолжуваат својот пат во Вселената, во февруари 2013 година, едно небесно тело падна во рускиот град Чељабинск, при што беа повредени повеќе лица и беше причинета голема материјална штета.
Е.Г.