Француското обвинителство покрена истрага против припадници на комуналната полиција во градот Каркасон, на југот на Франција, откако локалниот весник „Миди Либр“ објави снимка од нивната ноќна патрола од ноември 2025 година, на која се слушаат расистички, мизогини и екстремистички коментари. Снимката трае околу шест часа, пренесува „Еуроњуз“. Полицајците, меѓу другото, ги навредувале мигрантите и припадниците на други раси, изнесувале теории за „замена на населението“ и разговарале за можноста за државен удар во Франција.
🚨 « On a niqué les bougnoules »
LE CHEF DE LA POLICE DE
CARCASSONNE AUTEUR DE PROPOS RACISTES🚨Le chef de la police municipale de Carcassonne a été
ENREGISTRÉ par sa propre caméra-piéton en train de tenir de nombreux PROPOS RACISTES avec ses collègues pendant près de 6 heures, alors qu’il pensait l’avoir éteinte :« On a niqué les bougnoules »
« Entre tribus, ils se vendaient ces singes »
« On est devenu chrétien sous Clovis, tu vois, maintenant on va devenir musulman sous Macron »
« Ils roulent vite, ces bougnes (…) Hier, ils étaient sur un chameau, aujourd’hui une voiture ».
Une enquête est ouverte depuis 8 mois. Les 4 policiers concernés n’ont, à ce jour, jamais été sanctionnés.
(Midi Libre)
#racisme #France
#actus #infos #police #Carcassonne— Kamelia (@Elissamaiss) September 9, 2026
Според весникот, најголем дел од спорните коментари ги изнел водачот на патролата, 50-годишен поранешен падобранец, кој претходно, наводно, бил поврзан со безбедносните структури на крајнодесничарското Национално обединување (РН).
Градските власти на Каркасон ги осудија изјавите како неприфатливи, додека обвинителството потврди дека полицајците се суспендирани и дека им се одземени полициските овластувања. Како причина е наведено дека повеќе не ги исполнуваат стандардите за интегритет неопходни за извршување на службената должност.
Според правни експерти, расистичките навреди изнесени во приватен разговор не мора нужно да претставуваат кривично дело, но за државните службеници можат да бидат тешка дисциплинска повреда, која во најтешки случаи може да доведе и до отказ.