Кралски скапоцености од непроценлива вредност биле украдени од катедралата Странгнас на југоистокот на Шведска, а потоа крадците побегнале со глисер. Потрагата по нив е во тек.
Помеѓу украдените предмети се две кралски круни што им припаѓале на Кралот Карл Деветти и на кралицата Кристина, како и кралски кристална топка.
– Украдените кралски предмети се дел од нашата национална култура. На овој начин се сквернави шведско општество, изјави старешината на катедралата Кристофер Лундгрен.
Карл Деветти владеел со Шведска од 1604. до својата смрт во 1611 година.