Низ Турција, пожарникарите се борат со шумските пожари предизвикани од суво, топло и ветровито време. Еден од пожарите се шири и во близина на спомениците и гробовите од Првата светска војна на местото на битката во Галиполи.
Спомениците на гробиштата во Кентербери каде што се закопани војници од Нов Зеланд се поцрнети од пламените јазици кои беа ставени под контрола.
На западниот брег пожарот се приближил до куќите на периферијата на Измир, третиот по големина град во Турција, а жителите биле евакуирани.
Во провинцијата Маниса трет ден гори пожар во Гордес, шумска рурална област во северозападна Турција. Евакуирани се речиси 80 домови, а голем дел од зградите во селото Карајакуп се тешко оштетени, јави агенцијата Демирорен.
Турција мобилизираше десетици авиони, стотици возила и илјадници пожарникари за гаснење на пожарот.
Министерот за шумарство Ибрахим Џумакли предупреди на зголемен ризик од пожари за време на викендот поради малата влажност, силниот ветер и високите температури.
Генералниот директорат за шумарство ги предупреди граѓаните во западна Турција да не палат пожари надвор во следните 10 дена, предупредувајќи на 70 отсто поголема опасност од пожари.