(ВИДЕО) Шест лица ранети во Истанбул: Се скарале во трговски центар, а потоа се степале и пукале

Најмалку шест лица, меѓу кои државјани на Азербејџан и Иран, се ранети во пукотница во трговски центар во Истанбул, пишува весникот „Сабах“.

Расправијата меѓу две групи луѓе на пристаништето „Саријер“ брзо прераснала во тепачка, а на крајот дошло и до пукање, пишува весникот.

İstanbul Sarıyer’de bir AVM’de iki grup arasında silahlı kavga yaşandı. Yaşanan kavgada ilk belirlemelere göre 5 kişi yaralandı… pic.twitter.com/NsyGpaAgIh

— İstiklal Gazetesi (@gazeteistiklal) September 11, 2022

Во инцидентот се повредени шест лица, меѓу кои четворица државјани на Азербејџан, еден на Иран и еден на Турција. Целиот инцидент е снимен од надзорните камери.

Според првите информации, иранскиот државјанин бил само случаен минувач и не бил директно вклучен во конфликтот. Еден од повредените е пренесен во болница во тешка состојба.