ВИДЕО: Руските напади уништија голем дел од украинската енергетска инфраструктура

Од:

Руските сили синоќа извршија нов масовен напад врз енергетската инфраструктура во западна и јужна Украина, соопшти украинското Министерство за енергетика.

„Објектите на украинскиот оператор Укренерго се оштетени во регионите на Запорожје на југот на земјата и во Лавов на запад“, соопшти Министерството, додавајќи дека во нападите се повредени двајца вработени.

Министерството потсетува дека ова е осми поголем напад врз украинските електрани во последните три месеци, што често резултираше со прекини на електричната енергија. Во соопштението се наведува дека електроенергетската мрежа на Украина се бори да ги издржи целните руски воени напади.

Украинските власти објавија дека во големиот ноќен руски напад во четвртокот, енергетската инфраструктура, вклучително и електраната, била значително оштетена, а седуммина вработени биле ранети.

Володимир Зеленски рече дека верува дека половина од енергетскиот капацитет на Украина е уништен во досегашните засилени руски напади. Утрово тој повика „што е можно поскоро да се постават соларни панели и единици за складирање енергија во секое училиште и болница“.

Генералниот директор на операторот ДТЕК, Максим Тимченко, предупреди дека доколку нејзините западни партнери не се мобилизираат, Украина би можела „се соочи со сериозна енергетска криза оваа зима“.

Затоа, Киев го повикува Западот да му помогне да ја обнови електричната мрежа, проект кој бара значителни инвестиции и да обезбеди испорака на повеќе опрема за противвоздушна одбрана во Украина, што е важно за спротивставување на руските бомбардирања.

Имајќи го предвид ова, Вашингтон „донесе тешка, но неопходна одлука“ да и даде приоритет на Украина пред другите сојузнички земји кога станува збор за набавка на ракети што се користат за противвоздушна одбрана.

Би можело да ве интересира

Ако победи Трамп, финансискиот товар за помош на Украина ќе се промени на штета на ЕУ тврди Орбан

Катерина Ѓуровски

(ВИДЕО) Се шири снимка: „Украинец во цивилна облека истрела крстаречка ракета кон Русите од рамо“

Признаа: „Се обидовме да го убиеме Путин“

(ВИДЕО) Зеленски: Сите ги чекате изборите во САД, Украина не може да чека до нември

Катерина Ѓуровски

ВИДЕО: Хезболах со дрон ги снимал израелските воени бази и го објави видеото

(ВИДЕО) Украинските партизани објавија снимка: Ја саботиравме клучната пруга во Русија