Рускиот регион Белгород на границата со Украина се повеќе е цел на напади и инциденти, па многумина го гледаат како нов воен фронт меѓу Москва и Киев.
Ситуацијата во пограничната област на Белгород е тензична со денови. Речиси секој ден властите известуваат за украинските напади, во саботата беше пукано во складиште за гориво на периферијата на градот, во петок изгоре електрана, а викендов имаше и пукање во воена база во која најмалку 11 руски војници загинаа.
Околу 16 експлозии се слушнале во неделата во регионот на Белгород, јави руската државна новинска агенција РИА Новости. Најмалку три лица се повредени во артилерискиот напад, изјави регионалниот гувернер Вјачеслав Гладков во изјава за Телеграм.
Гладков објави фотографии на кои се гледа скршено стакло и расфрлани остатоци во нешто што изгледаше како станбена зона. Објавените фотографии не можеа веднаш да се потврдат. Двајца повредени мажи се хоспитализирани со рани од шрапнел, а на една жена и е укажана помош на лице место, рече Гладков.
Moment of missile arrival near Belgorod Airport. ベルゴロド空港付近にミサイル到着の瞬間 https://t.co/LeaMvtDpvR @YouTubeより
— AlQaNida (@al_hwabyung) October 17, 2022
Снимките од социјалните мрежи покажаа две големи експлозии на аеродромот и траги од противвоздушни проектили, кои најверојатно собориле неколку проектили лансирани во правец на рускиот град.
Belgorod in Russia today, which is gradually turning into a frontline city in this war. Reports that the airport has been heavily damaged in strikes this morning. pic.twitter.com/tEds7Tscu6
— Matthew Luxmoore (@mjluxmoore) October 16, 2022
Новинарот на „Волстрит џурнал“ од Украина, Метју Луксмур на Твитер напиша дека „Белгород постепено се претвора во град на првите борбени линии на оваа војна“.