Целосната снимка од инцидентот во Црното Море во кое беа вклучени руски брод и британски разурнувач, направена од Руската федерална безбедносна служба, беше објавена денеска.
На видеото се гледа целиот настан, а се слуша и комуникацијата меѓу двата брода.
Русите предупредуваат за можна употреба на оружје, ако британскиот брод не ја послуша наредбата на граничната служба за повлекување.
Според руското министерство за одбрана, британскиот разурнувач навлегол три километри во руска територија. Како што тврдат русите, британскиот брод не ги послушал наредбите и не го променил курсот и поради биле испукани предупредувачки истрели.
Британците велат дека не биле испукани предупредувачки истрели и оти нивниот брод само минувал низ украински води во согласност со меѓународните закони, а дека Русите изведувале вежба.