Романската војска уништи морски дрон во Црното Море откако беше забележан на неколку стотини метри од гасната платформа „Нептун Дип“, во ексклузивната економска зона на Романија.
NEW: Romania scrambled F-16 fighter jets to destroy a naval drone (USV) detected a few hundred meters from the Neptun Deep gas project in the Black Sea.
Authorities said the drone was destroyed to protect hundreds of workers and secure critical energy infrastructure.
Its origin… pic.twitter.com/KCK0i90J9n
— OSINT News (@OSINTNewsqrb) August 20, 2026
Вршителот на должноста романски министер за национална одбрана, Раду Мируца, изјави дека крајбрежната стража утрово го пријавила присуството на дронот, на околу 80 наутички милји источно од Констанца, објави порталот Digi24.
Поради близината на критичната гасна инфраструктура и фактот дека на платформата имало неколку стотици луѓе, романските власти одлучиле да го уништат.
По инцидентот, беше формирана командна ќелија на ниво на Министерството за национална одбрана, а романските власти побараа романската армија да ја преземе командата во рамките на НАТО.
По проценка на ситуацијата и консултации со претседателот на Романија, беше одлучено да се уништи дронот.
Два романски борбени авиони Ф-16 беа подигнати од земјата и добија наредба за пукање.
Според Мируца, дронот потоа бил безбедно уништен. Тој изјави дека леталото било наполнето со експлозиви. Романските власти истовремено го проверуваат потеклото на дронот. Тие контактирале со украинската страна преку неодамна воспоставен директен комуникациски канал, кој, според Мирука, официјално потврдил дека дронот не е од украинско потекло.