Путин ја нападна Украина затоа што беше убеден дека Европа нема да реагира заради големата енергетска зависност од Русија, штп во голем дел и се покажа точно, рече амерканскиот државен скретар Марко Рубио пред Комитетот за надворешни односи на Сенатот.
Конфликтот во Украина ги оттргнува ресурсите и вниманието на САД и другите западни земји од се посериозните предизвици во индо-пацифичкиот регион, вели Рубио.
„Секоја минута и секој долар што ги трошиме на овој конфликт се ресурси кои нема да спречат потенцијално катастрофална конфронтација во индо-пацифичкиот регион“, нагласи Рубио.
Тој додаде дека испораките на оружје за Украина продолжуваат да се спроведуваат во согласност со претходно одобрените буџети на Конгресот, но дека новите одлуки за пакетите помош допрва треба да ги донесе Белата куќа.
Рубио повтори дека ставот на американската администрација е дека украинскиот конфликт нема воено решение.
– Нема воено решение за овој конфликт. Тоа мора да се заврши со преговори – изјави Рубио.
Тој исто така изјави дека САД и нивните сојузници работат на испорака на системи за противвоздушна одбрана Патриот во Украина, но се соочуваат со недостиг од овие комплекси за свои потреби.
– Системот „Патриот“ не е доволен ниту за земјите од НАТО. „Не можеме да ги произведуваме доволно брзо“, призна американскиот функционер.
На крајот, тој заклучи дека во овој конфликт Русија „го бара она на што нема право“, додека Украина се стреми „да го врати она што не може воено да го врати“.