Пратеник од опозицијата е хоспитализиран во Турција по тепачка во Парламентот за време на тензичната дебата за државниот буџет за следната година.
🇹🇷 Pancadaria entre deputados no parlamento turco, ao menos um deputado ficou ferido na cabeça.#Turkey #Parlament #Turquie #Turkiye pic.twitter.com/KHKbFUMGrW
— MMC – Movimento Mundo Conservador. (@ingles_bulldog) December 6, 2022
Телевизиите објавија снимки од десетици пратеници од Партијата на правдата и развојот (АКП) на претседателот Реџеп Тајип Ердоган и опозициските политички сили како се тепаат меѓу себе. Некои од нив си разменуваат тупаници, а други се обидуваат да ги смират колегите.
Според турски медиуми, Хусеин Јорс, пратеник од опозициската „Добра партија“ бил удрен во лицето. За Јорс се грижел негов колега, по образование доктор, по што со возило на Брза помош бил пренесен во болница. Јорс страда од проблеми со срцето и превентивно е сместен на интензивна нега.
Извор: МИА