Нов пожар го зафати врвот на познатиот Холивуд Хилс, принудувајќи ги жителите да се евакуираат, а луѓето во близина треба да се подготват да заминат, изјави капетанот на противпожарната служба во Лос Анџелес, Ерик Скот.
Воздушните снимки од локалната телевизиска станица KABC покажуваат дека пожарот гори на врвот на ридот додека пожарникарите очајнички се борат да го изгаснат пламенот што се шири кон југ, кон Холивуд.
This was a fantastic water drop in the Hollywood Hills Sunset Fire from one of the aerial firefighting planes.
👏👏👏👏👏👏👏👏👏👏 pic.twitter.com/P3YQpdS80H
— Art Candee 🍿🥤 (@ArtCandee) January 9, 2025
“Морате да се евакуирате на време. Не чекајте некој да ви каже”, рече Скот. „Луѓето сега се многу свесни за опасноста и ако видите или мирисате чад, подгответе се да си заминете“.
Овие ридови се дом на некои од најпознатите симболи на Лос Анџелес, како што е Холивудскиот знак. Во близина е опсерваторијата Грифит, отворена од 1935 година. Меѓу знаменитостите во зоната за евакуација се Холивуд Боул, како и театарот Долби и кинескиот театар TCL, кои се наоѓаат во прометниот трговски центар.
Уште куќи горат втора ноќ по ред во Пацифик Палисадес, бидејќи пожарникарите признаваат дека немаат доволно вода за да се борат со пламените јазици.
Цели блокови се зафатени од пламен, а противпожарните екипи ретко ги користат своите црева, насочувајќи вода повремено на покривите на преостанатите куќи со надеж дека ќе спречат ширење на пожарот.
Но, ветерот е силен над океанот, а пламенот и искрите се издигнуваат високо до ноќното небо.
Огнот е присутен каде и да погледнете, осветлувајќи ги околните гребени и ридови со морничав портокалов сјај, пишува CNN.
Семејството кое побегна од својот дом во Пасадена во средата сега престојува кај роднините во Лас Вегас, бидејќи шумските пожари продолжуваат да уништуваат домови и бизниси низ делови од пошироката област на Лос Анџелес.
„Моравме да се евакуираме“, изјави Тони Еспиноза за филијалата на CNN, KSNV. „Заминавме набрзина. Имавме само неколку часа да се спакуваме. Моите соседи сè уште беа во своите куќи.
Тој рече дека успеале да ги донесат само најосновните работи.
„Веќе не можевме да дишеме“, изјави тој за КСНВ. „Филтрите во куќата, вклучително и HEPA филтрите, не помогнаа.
Еспиноза избегал со уште 13 членови на семејството и ќе остане кај роднините во Лас Вегас додека не стивнат пожарите.
„Се спакувавме за околу три дена. Сите имаме работа на која треба да се вратиме. Имаме кирија да платиме. Сметките сè уште доаѓаат“, додаде тој.