Нови судири во Пакистан, полицијата пука на демонстрантите. Во протестите се убиени тројца, еден камерман на локална телевизија и двајца полицајци.
Власта ги распоредува сите сили околу европските и амбасадата на САД во Исламабад, откако демонстрантите ги пробија барикадите на влезот на градот и тргнаа кон странските претставништва. Во Пешавар пакистанската полиција пукаше на демонстрантите, еден е убиен а запалена е и кино салата.
Властите ги исклучија мобилните телефони од мрежата поради страв од бомбашки напади.
Американската амбасада во Исламабад во обид да го смири гневот на јавноста поради анти исламскиот филм произведен во САД потроши 70.000 долари за да закупи рекламен простор на пакистанската телевизија каде што ги емитува снимките на претседателот Барак Обама и државната секретарка Хилари Клинтон кои го осудуваат филмот „Невиноста на муслиманите“.