Невообичаено силно торнадо се создаде денеска над Црното Море кај руското летувалиште Сочи, а спектакуларниот воден столб, кој се издигна неколку стотици метри во височина, беше снимен од туристите и локалните жители.
Во Сочи е во сила предупредување за екстремно невреме, а во градот се очекуваат силни поројни дождови и грмотевици, ветер и дожд, а можно е и создавање на нови торнада. Торнадо се создаде во Сочи и вчера, кога беше оштетена плажа во близина на градот, а шокираните туристи објавуваа снимки на социјалните мрежи.
Според експертите, торнадата се релативно честа појава во северниот дел од Црното Море, каде се јавуваат преку целата година, а најчести се меѓу мај и октомври. Оваа појава главно се јавува над морето и брзо изчезнува, објаснуваат метеоролозите.