Голем дел од карпата надвисната над плажа на канарскиот остров Ла Гомера, се сруши во морето во неделата, пред очите на стотици туристи.
На снимките се слуша врескањето на луѓето во моментот кога се одрони поголемиот дел од гребенот над популарната плажа.
Шпанските власти веднаш прогласија вонредна состојба на островот и започнаа операција за спасување, по информациите дека под лавињата од камења останале заробени алпинисти.
Облакот од прашина по одронот бил видлив со километри далеку, неколку часови по инцидентот.
Седуммина планинари, кои во времето на случувањето биле во подножјето, биле спасени, а во акцијата учествувал и хеликоптер.
„Оптимисти сме и се надеваме дека нема жртви. Момент пред да се случи големиот одрон, имаше неколку помали, па сите се тргнаа навреме,“ изјави Касимиро Курбело, претседателот на локалната самоуправа на островот Ла Гомера.