Насилните протести и немири во делови од Велика Британија продолжи и синоќа. Нападнати се полицајците во Белфаст, Дарлингтон и Плимут, јавува Би-Би-Си. Шест лица се уапсени во Плимут, неколку полицајци се полесно повредени, соопшти полицијата. Во јужен Белфаст, демонстрантите фрлаа камења и молотови коктели врз интервентната полиција.
A further night of trouble in Sandy Row in Belfast, heavy police presence in the area @Kscott_94 is on the ground pic.twitter.com/fiFGZHHmVC
— Allison Morris (@AllisonMorris1) August 5, 2024
Претходно се одржа бдеење за жртвите од масовниот напад со нож во Саутпорт, а од почетокот на немирите се уапсени речиси 400 луѓе.
Аксел Муганва Рудакубана, од Бенкс, Ланкашир, е обвинет за три убиства, десет обиди за убиства и поседување кујнски нож користен за извршување на убиствата. 17-годишното момче е родено во Кардиф од родители од Руанда. Тој се пресели во областа Саутпорт во 2013 година.
Полицијата верува дека немирите во градовите низ Велика Британија биле предизвикани од лажни гласини дека осомничениот бил муслимански барател на азил.
Во текот на викендот, премиерот Сер Кир Стармер ги осуди немирите како „екстремно десничарско насилство“ и синоќа вети дека ќе работи на законодавството за справување со насилството.
И покрај неговите апели, насилството се прошири и во Плимут. Полицијата на Девон и Корнвол соопшти дека полицајци биле распоредени во областа Гилдхол вчера за да се справат со протестите и контрапротестите на екстремната десница.
Во Бирмингем синоќа имаше немири откако стотици луѓе се собраа во областа Бордесли Грин по лажните извештаи дека таму е планиран марш на крајната десница. Контрадемонстрантите вееја палестински знамиња и скандираа. Група млади момчиња подоцна се отцепиле од собирот и нападнале неколку возила и демолирале еден паб.