Руската војска рано утрово соопшти дека Украина се обидела да нападне цивилни цели на руска територија со модифицирана ракета С-200.
Ракетата е уништена од системи за противвоздушна одбрана над регионот Калуга, кој граничи со Москва, соопшти руското Министерство за одбрана.
⚡️Overnight explosions were heard in Russia’s #Kaluga and Tula regions. #Moscow airports temporarily suspended operations.
The Russian Defence Ministry said an improved S-200 missile was allegedly detected and destroyed over the Kaluga region. pic.twitter.com/knMffae1w2
— KyivPost (@KyivPost) August 25, 2023
Московските аеродроми Внуково и Домодедово ги прекинаа летовите, објави руската новинска агенција ТАСС. Исто така, жителите на руските региони Тула и Калуга претходно објавија на социјалните мрежи за експлозиите што ги слушнале во текот на ноќта, објави рускиот онлајн-медиум База.
Ракетниот систем С-200 за време на Советскиот Сојуз се користел за противвоздушна одбрана, а всушност е претходник на помодерните модели С-300 и С-400, а проектилите истрелани од С-200 веќе погодиле цели во Русија, поточно во областа Брјанск, северно од Украина.
#Kaluga Oblast. #Russian Air Defense in action pic.twitter.com/s39KDufIea
— Pan (@antony67) August 24, 2023
Летовите беа исто така накратко прекинати во вторник и среда за време на нападите со украински беспилотни летала.
Руската воздушна одбрана уништи 42 украински беспилотни летала над полуостровот Крим, соопшти руското Министерство за одбрана на Телеграм.
Девет беспилотни летала беа соборени, а 33 други беа заглавени од опрема за електронско војување и паднаа без да стигнат до своите цели, соопшти Министерството.
Во текот на ноќта беше спречен обид на режимот во Киев да изврши терористички напади со беспилотни летала на територијата на Руската Федерација“, се вели во соопштението на министерството на Телеграм.