Нов силен земјотрес го погоди Непал денеска и ги принуди жителите на главниот град Катманду во паника да излезат на улиците.
Според податоците на американскиот Геофизички институт земјотресот бил со интензитет од 7,1 степен според Рихтеровата скала.
Епицентарот на земјотресот бил на 68 километри западно од градот Намче Базар, во близина на највисокиот врв на Земјата, Монт Еверест.
Сеизмичките бранови се почувствувани дури до индискиот главен град Њу Делхи.
Се уште нема информации за жртви и материјална штета од овој моќен земјотрес.
Непал на 25 април беше погоден од разорен земјотрес, со интензитет од 7,9 степени според Рихтеровата скала, во кој загинаа над осум илјади лица и беа разурнати илјадници домови.