Иако спасувачките екипи наведоа дека слушаат гласови од еден дел на трупот на паднатитот авион, руската амбасада во Каиро соопшти дека нема преживеани патници.
На летот освен тројца Украинци, сите патници биле со руско државјанство.
Извор од египетската служба за безбедност за германската агнеција ДПА кажа дека ниту еден од 224 патници и членови на екипажот не го преживеал падот на рускиот патнички авион на полуостровот Синај во Египет, во близина на територијата која ја контролираат терористите.
Египетската власт наведе дека се пронајдени телата на настраданите патници од рускиот авион кој леташе од Шарм ел Шеик кон Санкт Петерсбург.
До местото било исклучително тешко да се пристапи поради тоа што на оваа територија долго време постои проблемот со терористичките организации.
Авионот бил распаднат на два дела, едниот дел бил запален, а другиот удрил директно во голема карпа. Голем дека од патниците биле пронајдени заврзани со појасите за седиштата.
Засега се исклучува можноста дека се работи за терористички напад.