Најмалку 1.604 жртви на земјотресот се потврдени во Мјанмар, кој најтешко ги погоди Мандалеј и регионот Сагаинг. Обединетите нации предупредуваат дека во погодените подрачја има хроничен недостиг на медицински материјали, што дополнително ги загрозува животите на повредените.
Потрагата по урнатините продолжува, а во саботата една жена беше спасена во Мандалеј откако преживеа 30 часа затрупана под урнатините. Меѓу исчезнатите има и десетици деца од градинка која се урнала додека биле внатре.
Мјанмарската хунта продолжи со воздушните напади и по земјотресот. Би-Би-Си потврди дека седум цивили биле убиени во нападот на Наунгчо во државата Шан, само три часа по нападот. Слични напади беа забележани и во регионот Сагаинг, кој е и епицентарот на земјотресот, и долж границата со Тајланд.
Претставникот на ОН, Том Ендрјус, рече: „Срамотно е што војската фрла бомби додека спасувачките екипи се обидуваат да ги извлечат луѓето од урнатините“.