На социјалните мрежи се појавија видеа на кои се гледа чад над теснецот Керч.
Руските системи за противвоздушна одбрана соборија два проектила во областа Керченскиот Теснец, мостот на Крим не е оштетен, изјави лидерот на Крим, Сергеј Аксјонов на Телеграм.
На социјалните мрежи се појавија снимки на кои се гледа како чад се издига над мостот на Крим.
Something big happening on the Crimean bridge. Officials announced that traffic over the bridge has been stopped pic.twitter.com/y8d2piYlZ2
— Pjotr Sauer (@PjotrSauer) August 12, 2023
Сообраќајот е привремено во прекин, јавува рускиот новинар Владимир Соловјов на Телеграм. Советникот на Аксјонов Олег Крјучков напиша дека чадот е резултат на димна завеса поставена од руските специјални служби.
Сообраќајот наскоро ќе биде обновен, додаде тој, пренесува „РИА Новости“.
Од гостите и жителите на Крим се бара да останат смирени и да им веруваат само на официјалните извори на информации, напиша Аксјонов.