Околу 400 училишта и други образовни установи во Франција денеска се затворени поради ученичките протести кои започнаа поради проблеми во образовниот систем, а на некои места прераснаа во насилни инциденти.
„Според информациите со кои располагам, ќе бидат затворени нешто повеќе од 400 училишта и други образовни установи“, изјави францускиот министер за образование Едуар Гефре за телевизијата „Франс 2“.
Протестите започнаа минатиот месец во подрачјето на Париз поради недостиг на наставници и дотраени училишни објекти, а потоа се проширија низ земјата и станаа сè понасилни.
Des blocages ont eu lieu un peu partout en France ce jeudi 1er octobre dans le cadre de la mobilisation lycéenne. En tout, 340 actions étaient en cours dans la matinée devant des lycées et 169 blocages ont été comptabilisés, selon les remontées policières. Dans de nombreuses… pic.twitter.com/Xp9qT1tBJO
— 20 Minutes (@20Minutes) October 1, 2026
Десетици лица се повредени, а полицијата уапси стотици демонстранти.
Во четвртокот ученици предизвикале пожари во најмалку две средни училишта. Во трето училиште во Марсеј, наставници случајно биле испрскани со бензин, соопштија надлежните.
Во Стразбур бил запален најмалку еден автомобил, додека во Тулуз интервентната полиција се судрила со млади демонстранти.
Според извор близок до премиерот Себастиен Лекорни, разузнавачките служби на состанокот на кој се разгледувала кризата во четвртокот известиле дека протестното движење го поттикнала крајната левица, меѓу која и членови на партијата „Непокорена Франција“ (LFI).
Пратеникот на LFI, Луј Боајар, ја отфрли оваа информација во изјави за француските медиуми.
Владата засега се соочува со проширување на протестите, додека училиштата и образовните установи се под зголемен притисок поради недостигот на наставен кадар и проблемите со инфраструктурата.