31-годишен маж е уапсен вчера наутро поради обид за киднапирање на домашен комерцијален лет во Мексико и пренасочување на авионот кон САД, објавија мексиканските власти и авиокомпанијата Воларис. Откако авионот тргнал од Леон за Тихуана, Мексиканецот, идентификуван од властите само како Марија Н, ја нападнал стјуардесата и се обидел да упадне во пилотската кабина, пишува ABC News.
Авионот бил пренасочен кон Гвадалахара, каде што бил уапсен од припадници на мексиканската национална гарда.
#PorSiTeLoPerdiste
Aún hay héroes en México.#JesusTorres detuvo a un presunto secuestrador de un vuelo de #Volaris a Tijuana. 👇🏻pic.twitter.com/XNGOXhRStk— Accion Civil Mexicana (@AccionCivilMX) December 9, 2024
Точниот мотив останува нејасен, но федералниот оддел за безбедност на Мексико објави дека персоналот на авиокомпанијата рекол дека човекот тврди дека близок роднина бил киднапиран и дека добил смртни закани доколку отпатува во Тихуана непосредно пред поаѓањето.
Мажот патувал со сопругата и двете деца, соопштија мексиканските власти. Откако осомничениот бил уапсен во Гвадалахара, авионот го продолжил летот за Тихуана без дополнителни инциденти, објави ABC News.
На социјалната мрежа Икс е објавено и видео од обидот за киднапирање на авионот.