Две лица загинаа, а 28 се повредени во напад на руски дронови на Днепар, јавува Киев Индипендент, истакнувајќи дека може да има повеќе жртви.
Dnipro now! pic.twitter.com/pKrvhMyGwe
— rabbi mayer stambler (@MayerRabbi) April 16, 2025
Русија ги засили нападите со беспилотни летала и ракети во својата војна против Украина. Русија изврши смртоносен напад врз Суми на 13 април, при што загинаа најмалку 117 луѓе, а 117 беа повредени. Европските лидери го осудија нападот, опишувајќи го како ужасен.
Massive Russian drone attack on the city of Dnipro – Russians targeting the city center, hitting cars, apartment buildings, shops.
Children are again among the victims – rescue efforts ongoing. pic.twitter.com/rDblpMXdDg
— SPRAVDI — Stratcom Centre (@StratcomCentre) April 16, 2025
– Русите убија млада девојка во Днепар – изјави гувернерот на Днепропетровската област Сергеј Лисак и додаде дека во рускиот напад е убиена и една постара жена.
– Ранетите се згрижени во болниците низ градот. Вкупниот број на повредени се искачи на 28 – од кои четворица се деца – изјави градоначалникот на Днепар, Борис Филатов.
Во нападот се повредени деветмесечно, шестгодишно и 11-годишно дете.
Неколку пожари го зафатија градот, куќи, образовни институции, културни објекти, а и автомобили се оштетени во рускиот напад, додава Лисак.
Беспилотно летало Шахед за малку ќе го погодело Градското собрание, рече Филатов во објава на Телеграм.
САД, потсетува Киев Индипендент, одржаа одделни преговори со Украина и Русија во Саудиска Арабија за да постигнат прекин на огнот. На 6 април Зеленски рече дека Русија отфрла безусловен прекин на огнот бидејќи сака да продолжи со ракетните напади од правец на Црното Море.
Москва, пишува Киев Индипендент, покажа знаци на неподготвеност да склучи мировен договор со Украина. Руските власти поставија максималистички барања во преговорите за прекин на огнот со Украина.