Људмила Навални денеска објави дека успеала да го види телото на нејзиниот син Алексеј Навални.
„Ме уценуваат, поставувајќи услови каде, кога и како треба да биде погребан Алексеј“, рече таа.
На мајката на Алексеј ѝ го покажале телото на нејзиниот син, но тој не бил вратен. Наместо тоа, била уценувана. По наредба на Кремљ, истражителите поставиле услови каде, кога и како да го погребат Алексеј. Тие сакаат да го направат тоа тајно” напиша соработник на Навални, Кир Јармиш.
Рускиот опозициски лидер Алексеј Навални почина во петокот на 16 февруари во руски затвор, потврди руската Федерална поправна служба за областа Јамало-Ненец, додавајќи дека Навални се чувствувал лошо по утринската прошетка и изгубил свест, по што неуспешно бил реанимиран.