Тројца луѓе загинаа, а шестмина се повредени кога напаѓач со нож тргна во крвав поход низ улиците на германскиот град Вирцбург, пред да биде запрен од полицијата, која му пукала во нозете.
На социјалните мрежи се појавија драматични снимки на кои е забележано како десетици минувачи го опколуваат напаѓачот, кој во раката држи голем нож и се обидуваат да му се спротивстават.
Полицијата соопшти дека го уапсила напаѓачот по „голема акција“ во која беа затворени делови од центарот на градот.
„Го уапсивме напаѓачот“, напиша локалната полиција на Твитер, соопштувајќи дека засега „нема индиции дека има повеќе напаѓачи“ и оти повеќе „нема опасност за населението“.