Две жени се убиени, а пет лица се ранети во пукотница што се случи за време на пикник во парк во градот Рочестер во државата Њујорк, соопштија денеска властите.
Стотици луѓе се собраа во паркот Мејплвуд во Рочестер кога некој отвори оган, соопшти полицијата, пренесе Асошиетед прес.
Како резултат на овој напад, се уште никој не е уапсен, наведува агенцијата.
Um tiroteio resultou na morte de duas pessoas e outras cinco ficaram feridas em um parque da cidade de Rochester, no interior do Estado de Nova York, nos Estados Unidos. De acordo com a polícia local, o crime aconteceu por volta das 18h20 (horário local) deste domingo, 28. pic.twitter.com/zUQ9CKW565
— Revista Oeste (@revistaoeste) July 29, 2024
Полицијата соопшти дека собирот во паркот бил најавен со флаери, иако не е прецизирано по кој повод.
За ваков собир не било потребно организаторите однапред да добијат дозвола од полицијата. Претставникот на локалната полиција Дејвид Смит ги повика оние кои имаат потенцијални информации да помогнат во решавањето на злосторството.
Ова е второ масовно пукање во парк во Рочестер во последните месеци.
Во јуни шест лица беа ранети кога во текот на ноќта имаше пукање во Меморијалниот парк Мартин Лутер Кинг Јуниор, потсетува АП.