Канадскиот рапер Џон Џејмс Мекмареј (34) загина при снимање музички спот додека рапуваше на крило на авион. Канадската полиција на провинцијата Британска Колумбија соопшти дека Мекмареј загинал додека работел со тимот што изведувал акробации со леталото во саботата, пренесува „Асошиетед прес“.
Менаџерот на Мекмареј, Рајан Дероче, рекол дека раперот интензивно вежбал за акробациите, но кога застанал на крилото на авионот, тој се навалил на едната страна. Мекмареј тогаш паднал и се фатил за крилото, но не успеал да се додржи. Тој се пуштил од авионот, а кога се обидел да го активира падобранот, веќе било доцна.
Паднал на земјата и починал на самото место. Авионот и пилотот подоцна слетале безбедно.