Јужнокорејскиот претседател Мун Џе-ин, кој се наоѓа во Пјонгјанг на серија средби со севернокорејскиот лидер Ким Џонг-ун, денеска посади дрво во дворот на резиденцијата во која престојува за време на посетата на главниот град на Северна Кореја.
WATCH: South Korean president Moon Jae-in participates in a tree-planting ceremony on Day 2 of the Inter-Korean Summit in Pyongyang #남북정상회담 https://t.co/AlqIhV5TDL pic.twitter.com/ZnVLcplnq6
— TicToc by Bloomberg (@tictoc) September 19, 2018
На садењето на дрвото Мун беше придружуван од потпретседателот на севернокорејската владејачка Работничка партија на Кореја, Чој Јонг-хе, кој му помагаше при засадувањето и полевањето на дрвото Лабурнум (Laburnum anagyroides).
Лабурнумот, кој е познат и под името „златен дожд“, има светло жолти цветови и во многу земји во Источна Азија се смета за симбол на богатство и благосостојба.
По засадувањето на дрвото Мун изрази надеж дека ќе дојде и до „процут на корејските билатерални односи“.