Млад американски јутјубер заврши во болница со тешки повреди, меѓу кои и фрактура на черепот, откако скокнал од мост висок 30 метри во Остин, Тексас.
Саа Фомба го снимил скокот од мостот Пенибејкер, а снимката ја објавил на својот канал на Јутјуб по неколку дена поминати во болница.
„Се надевам дека ова видео ќе ве мотивира да ги бркате своите соништа,“ рекол Фомба додека се подготвувал за опасниот подвиг. „Не гледам што е забавно во нормалниот живот“.
По ова, на снимката Фомба се качува на мостот и скока. Од водата го спасил чамец, а на видеото се гледа и како тој лежи на брегот пред да пристигне Брзата помош.