Основачот на хуманитарната организација „Светска централна кујна“, Хозе Андрес, ги обвини израелските сили во Газа дека целат на хуманитарните работници. Станува збор за нападот што се случи во понеделникот и во кој загинаа седум членови на таа хуманитарна организација, која беше една од ретките што успеаја да достават помош до палестинското население во Појасот Газа, каде што хуманитарната катастрофа е поради континуирана бомбардирање од страна на израелските одбранбени сили.
Celebrity chef #JoseAndres said #Israeli attack that killed seven of his food aid workers in #Gaza had targeted them "systematically, car by car."
Andres said the World Central Kitchen (#WCK) charity group he founded had clear communication with the Israeli military, which he… pic.twitter.com/19Cg7koTDd
— Nitish Verma (@nitsonnet) April 4, 2024
Иако официјален Израел рече дека смртта на седумте хуманитарни работници била грешка, Андрес вели дека тоа не е точно, повторувајќи дека израелските сили биле информирани за нивните движења.
Според хуманитарната организација на Андрес, хуманитарниот конвој бил погоден додека го напуштал складиштето во Деир ал Балах, „каде што тимот истоварил повеќе од 100 тони хуманитарна прехранбена помош донесена во Газа по морски пат“.
Конвојот се состоеше од три возила, вклучително и две оклопни возила, на кои јасно беше истакнато логото на организацијата.
Во одвоено интервју за израелскиот Канал 12 вести, Андрес рече дека „тоа навистина беше директен напад врз јасно обележани возила чии движења беа познати на сите во ИДФ“.
„Тие таргетираа возило по возило“, додаде тој.
Загинаа работници од Австралија, Канада, Полска, Велика Британија и САД, како и нивни палестински колега.
Израел вели дека нападот бил „тешка грешка“ и се извини. Ветена е и независна истрага, но тоа нема да им помогне на Палестинците кои исто така умираат од глад. Исто така, испораката на каква било помош за Појасот Газа во моментов е прекината токму поради израелскиот напад врз хуманитарниот конвој, што остава речиси сигурна можност за уште поголема катастрофа.