Градоначалникот на Њујорк, Зохран Мамдани, на необичен начин го означи почетокот на сезоната на капење во градските базени, откако скокна во вода облечен во одело заедно со претставници на градскиот Оддел за паркови.
Од саботата официјално се отворени бесплатните отворени базени низ Њујорк, што се совпадна и со почетокот на летниот распуст за учениците, кои првиот ден од одморот можеа да го поминат разладувајќи се во базените.
Мамдани и вработените од Одделот за паркови симболично ја отворија летната сезона со скок во базенот „Томас Џеферсон“ во населбата Ист Харлем, испраќајќи порака дека градските капалишта повторно им се достапни на сите граѓани.
Според податоците на градските власти, минатото лето повеќе од еден милион посетители ги користеле јавните базени во Њујорк, кои се едно од најпосетуваните места за разладување за време на топлотните бранови.
Градската администрација очекува и ова лето голем број жители и туристи да ги посетуваат бесплатните базени, особено во периодите кога температурите во Њујорк редовно надминуваат 30 Целзиусови степени.