Вулканот Шивелуч на полуостровот Камчатка на далечниот исток на Русија еруптираше рано во вторникот, исфрлајќи облак од пепел висок 10 километри, што претставува зголемена закана за воздушниот сообраќај, соопшти Тимот за одговор на вулканска ерупција на Камчатка (КВЕРТ).
I’ll leave you all with this one 🙃
Looks like it’ll need a chisel rather than duster to clean that mess up….
G’night 💤
vid: KGBSRAS #Shiveluch #volcano #russia #eruption #cement pic.twitter.com/R264Q2Pq1k
— Volcaholic 🇰🇪 🇬🇧 🌋 (@volcaholic1) April 11, 2023
Тимот издаде црвен аларм истакнувајќи дека „голем облак од пепел“ патува западно од вулканот и дека во секое време може да се случи експлозија со пепел што исфрла висока до 15 километри.
„Тековната активност може да влијае на меѓународните летови и авионите што летаат на пониски височини“, се вели во извештајот.
Локалните власти ги затворија училиштата и им наредија на жителите на околните села да останат во затворени простории бидејќи облакот од пепел може да се прошири на десетици километри околу вулканот, рече лидерот на Уст-Камчатски Олег Бондаренко во објава на Телеграм.
🔥🔥😳
The Shiveluch volcano erupted in Kamchatka, Russia.
According to preliminary data, the height of the ash cloud is 20 kilometers. pic.twitter.com/sxkJGdsYQE
— 🇺🇦 C.A. Tim Gravett 🇨🇦 🍁🇺🇸🇺🇦 (@TimGravett) April 11, 2023
Еден од најголемите и најактивните вулкани во Камчатка, Шивелуч имал околу 60 значајни ерупции во последните 10.000 години, а последната голема се случила во 2007 година.
Бондаренко рече дека вулканот еруптирал во 6:31 часот по локално време, а облакот се проширил во селата оддалечени повеќе од 70 километри.
„На жителите им се препорачува да останат дома и да избегнуваат непотребни патувања“, нагласи тој.