Бројот на жртви од експлозијата во фабрика во рускиот град Копејск на источните падини на Јужен Урал се искачи на девет, објави руската новинска агенција ТАСС, цитирајќи го гувернерот на Чељабинската област Алексеј Текслер.
🔥 An explosion occurred at a factory in the city of Kopeysk, Chelyabinsk Region, after UAV attack. pic.twitter.com/uJOSQn6gdV
— MAKS 25 🇺🇦👀 (@Maks_NAFO_FELLA) October 22, 2025
Претходно, беа пријавени четири лица загинати, а пет повредени. Извештаите дека беспилотно летало се урнало во фабриката не можеа веднаш да бидат потврдени. Во својата објава на платформата за пораки Телеграм, Текслер не кажа за каков тип фабрика станува збор.
Сепак, локалните извештаи сугерираат дека фабриката произведува муниција за руската војска. Текслер претходно објави на Телеграм дека службите за итни случаи се распоредени на местото на настанот за да го стават пожарот под контрола.
💥👀 Moment of strike on JSC "Plant "Plastmass" in Chelyabinsk region.
The plant produces ammunition for barrel artillery, naval artillery, tank and self-propelled guns. Products cover calibers from ~76 mm to ~152 mm. pic.twitter.com/cjWLMTFiV4
— MAKS 25 🇺🇦👀 (@Maks_NAFO_FELLA) October 22, 2025
Тој додаде дека нема индикации дека инцидентот е на кој било начин поврзан со активност на беспилотни летала. Копејск е оддалечен 1.700 километри од Украина и е близу до границата на Русија со Казахстан.
Од почетокот на руската инвазија на Украина во февруари 2022 година, Киев сè повеќе користи беспилотни летала за таргетирање фабрики и енергетска инфраструктура длабоко во соседната земја. Украинските разузнавачки служби, исто така, саботираат руски одбранбени компании.