Шест деца паднаа во замрзнато езеро во близина на Бирмингам во Англија. Четири беа спасени и пренесени во болница во критична состојба, две се водат како исчезнати. Властите велат дека инцидентот се случил кога децата си играле на мразот во Бабс Мил Парк.
Децата биле пренесени во две болници во Бирмингам. Од спасувачките служби изјавија дека кај некои од децата имало престанок на работата на срцето.
Екипите за спасување добиле информација дека во езерото паднале шест лица, прдолжиле да трагаат откако извлекле четири, но морале да ја прекинат потрагата поради мракот и студената вода.
Еден полицаец претрпел блага хипотермија за време на спасувањето и превентивно бил пренесен во болница.