Германската полиција на Твитер објави дека неколку лица се повредени откако автомобил влетал во група луѓе во Минхен. Според Билд, повредени се 20 лица, од кои двајца се во тешка состојба. Меѓу повредените има и деца. Во главниот град на Баварија утре почнува безбедносна конференција на која доаѓаат американскиот потпретседател Џ. Венс и украинскиот претседател Володимир Зеленски.
Verdi Demo in München.
Auto rast in die Demo. pic.twitter.com/cLBHaDebfi— AlternativeMitte (@ZamirSh11842484) February 13, 2025
Последните информации од полицијата во Минхен велат дека возачот на автомобилот кој влета во толпата е уапсен на местото на настанот и повеќе не претставува закана.
Возач со Мини Купер удри во демонстранти. Околу 10 часот и 30 минути возачот наводно забрзал, а потоа со голема брзина влетал во демонстрантите. Денеска многу вработени во градот штрајкуваат, барајќи зголемување на платите за осум отсто, поголеми бонуси и дополнителни три слободни дена.
Полициската истрага сега треба да утврди дали со автомобил влетал во толпата намерно или се работи за несреќен случај. Според „Билд“, пред тоа имало и истрели. Голема полициска операција е во тек во близина на главната железничка станица, а полицијата се обидува да утврди што се случило, рече портпаролот, не откривајќи повеќе детали.