Бројот на загинати лица во експлозија на цистерна со гас во Екатепек, предградие на Мексико Сити се искачи на 18, додека 36 луѓе се повредени, а неколку куќи и автомобили се оштетени, изјави секретарот на државата Мексико за јавна безбедност.
– Бројот на загинати достигна 18, а 36 повредени се во ургентниот центар на Екатепек, напиша Салвадор Неме на Твитер.
Од силната експлозија, што се случи утрово во Екатепек оштетени се 15 автомобили и 20 куќи.
Цистерната сообраќала на автопатот што ги поврзува Мексико Сити и Пачуку во централниот дел на Мексико.