Велика Британија денеска се закани дека ќе блокира руски компании да користат профит остварен во Лондон и дека ќе ги разоткрие имотите и сопственоста на компаниите доколку Русија ја нападне Украина. Властите во Лондон нагласија дека Западот мора да остане обединет за цената на Москва за секој конфликт.
Русија распореди војници и воена опрема на украинската граница, привлекувајќи предупредувања од Британија, САД, Европската унија и другите сојузници за драстични економски санкции во моментот кога ќе се случи каква било инвазија.
Минатата недела Британија воведе ново законодавство што и овозможува да воведе пошироки санкции отколку што претходно можеше за руски поединци и ентитети за кои е утврдено дека се вклучени во дестабилизацијата на Украина или во поддршката на руската влада.
Извор: МИА