Бројот на жртвите на Блискоисточниот респираторен синдром (МЕРС), сличен на САРС, во Саудиска Арабија се зголеми на 47 лица, по смртта на уште тројца заразени, соопшти саудиското Министерство за здравство.
Новите жртви на МЕРС, кој е предизвикан од коронавирусот, наречен МЕРС- ЦоВ, се 74 годишен маж од Медина, кој бил во контакт со лице заразено со овој вирус, 56-годишен странски државјанин, кој работел во медицинската служба и 53-годишен Саудиец од Ријад, кој боледувал од хронична болест.
Министерството соопшти дека се регистрирани уште пет случаи на заболени од МЕРС, меѓу кои се пет годишно девојче и еден тинејџер.
Саудиска Арабија е најмногу погодена од МЕРС, од кој според податоците на Светската завствена организација, ширум светот починале над 50 лица. Од повеќе од 100 регистрирани случаи на заразени во светот, 96 се од Саудиска Арабија.